«Ўзаэронавигация» Маркази билим улашиб, профессионал ходимларни тарбиялаётган устоз-мураббийларга чин дилдан миннатдорчилик билдиради. Сизнинг сабр-тоқатингиз, ишга садоқатингиз ва юксак масъулиятингиз — ҳар қандай соҳанинг таянчи, ёш мутахассислар учун энг яхши намунадир.
Алоҳида миннатдорчиликни устоз ҳамкасбларимизга билдирамиз. Марказимизда «Устоз-шогирд» дастури изчил ривожлантирилмоқда: у тажрибанинг узлуксизлигини таъминлаб, ягона касбий ёндашувларни шакллантиради ва ҳар бир янги ходимнинг катта жамоага ишонч билан қўшилишига ёрдам беради.
Меҳнатингиз, эътиборингиз ва шогирдларга бўлган ишончингиз учун раҳмат. Байрамингиз муборак!