AELPT test formati

Bo‘lim uch qismdan iborat:

• Aviatsiya hodisasi haqidagi hisobot yozuvi (monolog formati);
• Haqiqiy yoki modellashtirilgan radioaloqa almashinuvining ikkita audioyozuvi (muloqot formati).

Har bir audioyozuv ikki martagacha qayta eshittirilishi mumkin. Tinglash paytida nomzodga qaydlar qilishga ruxsat beriladi.

Ushbu bo‘limda nomzodga ekranda aviatsiya mavzusiga oid tasvir taqdim etiladi. Nomzodga tasvir bilan tanishish uchun 15 soniya vaqt beriladi.

Nomzodning vazifasi:

• Tasvirning asosiy elementlarini aniqlash
• Sodir bo‘layotgan harakatlarni tavsiflash
• Ehtimoliy sabablar va oqibatlarni taxmin qilish
• Aviatsiya leksikasini namoyish etish

Nomzod aviatsiya faoliyati va radioaloqaning real sharoitlariga yaqinlashtirilgan modellashtirilgan vaziyatda ishtirok etadi.

Nomzoddan talab qilinadi:

• Standart aviatsiya frazeologiyasi va umumiy ingliz tilidan foydalanish;
• Xabarlarning aniqligi, qisqaligi va tizimliligi;
• Ma’lumotni tasdiqlash, aniqlashtirish va tuzatish;
• Vaziyatning o‘zgarishiga adekvat munosabat bildirish.

Eslatma: Nomzodning til kompetensiyasi baholanadi, texnik bilimlar tekshirilmaydi.

Imtihon oluvchi nomzod bilan aviatsiyadagi kasbiy faoliyat bilan bog‘liq mavzularda tizimli suhbat o‘tkazadi.

Suhbat davomida nomzod:

• Berilgan savollarga batafsil javob berishi;
• O‘z fikrini bayon etishi va asoslab berishi;
• Kasbiy vaziyatlarni tahlil qilishi;
• Sabablar va ehtimoliy oqibatlar haqida mulohaza yuritishi.

Ushbu bo‘lim nomzodning texnik bilimlarini tekshirish uchun mo‘ljallanmagan.