Uchrashuv davomida loyiha guruhi havo hududini tasniflashni takomillashtirish va barometrik balandlik hisobotlarini uyg'unlashtirishga qaratilgan bir qator takliflarni taqdim etdi. Yagona Eshelon va o'tish balandligini joriy etishga alohida e'tibor qaratildi, bu esa mamlakat havo hududidan foydalanish samaradorligini sezilarli darajada oshiradi.
Muhokamaning asosiy yo'nalishi O'zbekistonning "uzluksiz" havo hududini yaratish uchun havodagi harakatga xizmat ko'rsatish tartib-tamoillarini optimallashtirish bo'ldi. Ushbu chora-tadbirlarni amalga oshirish, ekipajlarning ish yukini kamaytirish, inson omilining ta'sirini kamaytirish va havodagi harakat xavfsizligining umumiy darajasini oshirishi kutilmoqda.
Loyiha takliflari xalqaro fuqaro aviatsiyasi tashkiloti (ICAO) tavsiyalari va jahon standartlariga muvofiq ishlab chiqilgan bo’lib, ushbu tashabbuslardan foydalanish fuqaro va harbiy aviatsiya, shuningdek tijorat aviakompaniyalarining manfaatlarini inobatga oladi va O'zbekiston Respublikasi havo hududidan yanada muvozanatli va samarali foydalanishni ta'minlaydi.